Ansarullah: Urdu: Ramadan Lessons by Sheikh Khalid Al-Husainan: Lesson 10: Supplications (Released by As-Sahab)

دروسِ رمضان
از۔شیخ خالد الحسینان

درس (10) دعائیں (ذکر و اذکار)

پیش کردہ: ادارہ السحاب
ترجمہ: انصاراللہ ٹیم


اعوذ بالله من الشيطان الرجيم


يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ أياماً مَّعدوداتٍ (٢:١٨٣)

ترجمہ: ائے ایمان والوں تم پرر وزے فرض کردئے گئے ہیں جس طرح تم سے پہلے لوگوں پر فرض کئے گئے تھے تا کہ تم تقوی اختیا ر کرو یہ چند ایام ہیں


بسم الله الرحمن الرحیم

الحمد لله رب العالمين، وصلى الله وسلم وبارك على نبينا محمد وعلى آل وصحبه وسلم، أما بعد:

اگر ہم اپنے رسول صلی اللہ علیہ وسلم کی سیر ت پر غور کریں تو ہمیں نبی صلی اللہ علیہ وسلم کی حیات مبارک میں نہایت حیرت انگیز پہلو دکھائی دیں گے۔

ہمیں دکھائی دے گا کہ نبی صلی اللہ علیہ وسلم کا دل آپ کی فکر وعقل آپکے احساسات وجذبات سب کے سب اپنے رب سےجڑے رہتے تھے نبی صلی اللہ علیہ وسلم کے پاس بہت سے دیگر لوگوں کے برعکس اپنی روز مرہ زندگی میں فارغ وقت نہ تھا ۔

لہذا ہم دیکھتےہیں کہ رسول صلی اللہ علیہ وسلم نے ہمارے لئے دعاؤں کو مشروع قرار دیا جنکا ہم صبح وشام اہتمام کرتےہیں۔

جو ان دعاوں پر عمل پیرا ہواور اپنی زندگی میں انہیں اپنائے توجلد ہی وہ اپنے اند ر قوت اور ثابت قدمی اور پیش قدمی محسوس کرے گا۔

مثال کے طور پر رسول صلی اللہ علیہ وسلم نے سونے سے پہلے، سو کر اُٹھنے کے بعد،گھر سے نکلنے اورمسجد میں داخل ہونے سے قبل اور مسجد سے باہر نکلتے وقت بیت الخلاء میں داخل ہونے سے پہلے اور بیت الخلاء سےنکلنے کے بعد ان تمام امور میں ہمیں دعائیں سکھائی ہیں۔

چنانچہ ایک مسلمان کی پوری زندگی دعاہے حتی کہ ہم وغم اور مصیبت کے وقت بھی یہاں تک کہ دوران شہوت بھی (اپنی بیوی سے ہم بستر ہوتےوقت)۔

انداہ لگائیں کہ دوران شہوت اور حصول لذت کے وقت بھی نبی صلی اللہ علیہ وسلم ہماری یعنی اپنی امت کی تربیت فرمارہے ہیں تا کہ ان کا تعلق اللہ سے ہمیشہ جڑا رہے ۔

ہم دیکھتےہیں کہ نبی صلی اللہ علیہ وسلم نے اس شخص کو بھی دعاسکھائی ہے جو اپنی اہلیہ کے پاس آئے۔

نبی صلی اللہ علیہ وسلم فرماتے ہیں:

اگر تم میں سے کوئی شخص اپنی اہلیہ کے پاس آنے کا ارادہ کرے (یعنی اس سے جماع کرنے کا ارادہ کرے) تو کہے:

باسم الله اللهم جنِّبنا الشيطان وجنِّب الشيطان ما رزقتنا

ترجمہ: اللہ کے نام کے ساتھ شروع کرتاہوں یا اللہ شیطان کو ہم سے الگ رکھ اور جو تمہیں عطاکرے اس سے بھی شیطان کو دور رکھ۔

دعاکے معاملے میں ذراغور کریں حتی کہ انسان کو اپنی خواہش پوری کرنے لذت ومزے حاصل کرنے سے قبل بھی دعاسکھائی گئی ہے کیا ہی بلند واعلی اسلام ہے جو دوران شہوت بھی تمہیں اپنے رب سے جوڑے رکھتاہے ۔

پھر نبی صلی اللہ علیہ وسلم فرماتے ہیں:

جس نے اس دعاکو پڑھ لیا اور اگر اللہ تعالی نے اسے اولاد عطاکردی تو اسے شیطان نقصان نہیں پہنچائے گا یعنی اس پر غالب نہیں ہوگا۔

جب انسان پر کوئی مصیبت آجائے تو اہل مغرب کی طرح وہ خود کشی نہ کرے بلکہ دوران مصیبت وہ اس ذات کی طرف متوجہ ہوجائے جو تکلیف کو دور کردیتی ہے وہ ہمارا رب ہی ہے جو تکلیفوں کو دور کرتاہے۔

چنانچہ پریشانی کی حالت میں نبی صلی اللہ علیہ وسلم نے ہمیں یہ دعا سکھائی:

اللهم إني عبدك ابن عبد ابن أمتك ناصيتي في يدك ماضٍ فيّ حكمك…

ترجمہ: یااللہ میں تیر ابندہ تیرے بندے کا بیٹا تیری بندی کا بیٹا میری پیشانی تیرے ہاتھ میں میرے متعلق تیراحکم جاری…..

مشہورو معرو ف وعا ہے اسی لئے میں نصیحت کرتاہوں کہ ہر مسلمان کے پاس ہمیشہ اس کی جیب میں گاڑی ، اسکے آفس یا اسکے سونے کے کمرےمیں وہ کتاب ہونی چاہیے جو چھوٹے سائز کی ہے لیکن کافی فائدہ اور نفع بخش ہے یعنی (حصن المسلم) اس کتاب میں رسول صلی اللہ علیہ وسلم کی دعاوں کا کافی بڑا مجموعہ ہے۔مثال کے طور پر انسان کو کوئی مصیبت لاحق ہوجائے تو نبی صلی اللہ علیہ وسلم نے اسکے لئے دعا سکھائی ہے اگر کوئی بڑی یا چھوٹی مصیبت میں مبتلا ہوجائے جانی،سماجی یا معاشی پریشانی کا شکارہوجائے یا آپ کو کسی بھی چھوٹی یا بڑی مشکل کا سامناہو تو نبی صلی اللہ علیہ وسلم فرماتےہیں:

کسی بھی مسلمان بندے کو مصیبت آجائے تو وہ کہے

إنّا لله وإنّا إليه راجعون اللهم اؤجرني في مصيبتي واخلفني خيرًا منها إلا أخلفه الله خيرًا منها

ترجمہ: ہم اللہ کے ہیں اور ہم اسی کی جانب لوٹ جائیں گے یا اللہ مجھے میری مصیبت میں اجر دے اور مجھے اس سے بہتر عطافرما ۔

تو اللہ تعالی اسے اسکےبدل اس سے بہتر عطاکردیتاہے ۔

یہ صادق المصدوق صلی اللہ علیہ وسلم کا کلام ہے۔

میرے عزیز دوستو! نبی صلی اللہ علیہ وسلم ایک مسلمان کی تربیت فرمارہےہیں کہ ہمیشہ اسکا تعلق اپنے رب سے جڑا رہے اسکا خلاصہ اور اسکا نچوڑ یہ ہے کہ جب انسان کا تعلق ہمیشہ اپنے رب سےجڑا ہوتاہے شیاطین جن وانسان کا اس پر زور نہیں چلتا جیسا کہ اللہ تعالی نے فرمایا:

إِنَّهُ لَيْسَ لَهُ سُلْطَانٌ عَلَى الَّذِينَ آمَنُواْ وَعَلَى رَبِّهِمْ يَتَوَكَّلُونَ إِنَّمَا سُلْطَانُهُ عَلَى الَّذِينَ يَتَوَلَّوْنَهُ وَالَّذِينَ هُم بِهِ مُشْرِكُونَ

ترجمہ : اسے(شیطان کو) ان لوگوں پر تسلط حاصل نہیں ہوتا جو ایمان لائے اور اپنےرب پر بھروسہ کرے ۔اس کا زور انہی لوگوں پر چلتا ہے جو اسکو اپنا سرپرست بناتے اور اس کے بہکانے سے شرک کرتے ہیں ۔

اور اللہ سبحانہ وتعالی فرماتاہے:

وَمَن يَتَوَكَّلْ عَلَى اللَّهِ فَهُوَ حَسْبُهُ

جو کوئی اللہ پر بھروسہ کرے تو وہ اس کے لئے کافی ہے ۔

خلاصہ یہ ہے کہ انسان ہمیشہ صبح وشام کے اذکار کرے پہلے اوردیگر حالات اور مناسب اوقات کے اذکا رکا وردرکھے یہاں تک کہ وہ جہاں بھی سفر کرے سمندر ہو یا خشکی راستے میں کہیں آرام کرنا یا سونا چاہے کسی شخص کی زیارت کے لئے گیا ہو ذکر کرتارہے اور دعا پڑھے کوئی شخص زیارت کے لئے گیا ہو تو نبی صلی اللہ علیہ وسلم نے اس دعاکا تحفہ عطاکیاہے آپ صلی اللہ علیہ وسلم نے فرمایا:

کوئی شخص جب کسی جگہ قیام کرے تو کہے

أعوذ بكلمات الله التامّات لم يضرّه شيء حتّى يرتحل من ذلك المكان

ترجمہ: میں اللہ کے مکمل کلمات کی پناہ میں آتا ہوں اسے کوئی شے نقصان نہیں پہنچائی گی یہاں تک کہ وہ اس جگہ سے رخصت ہوجائے۔

بعض علماء کہتےہیں کہ جب تم جہاز میں سوار ہو کر کسی جگہ اترو تو اس دعا کو پڑھ لو اورعورتیں اس بات کی زیادہ محتاج ہیں کہ وہ یہ دعا پڑھیں ایک دوسرے سے ملتے وقت مناسب اوقات یاخوشی کے مواقعوں پر کیونکہ خوشی کےمواقع پر حسد ونفرت اوربدنظری کا واقع ہونا زیادہ ممکن ہوتاہے ۔

انسان ان نبوی دعاوں سے مضبوط ہوتاہے لہذا ہر مسلمان کو چاہیے کہ وہ ان دعاوں کو یاد کرے تا کہ وہ سعادت مندی واطمینان اور ذہنی سکون کے ساتھ زندگی بسر کرے ۔

اللہ رب العرش العظیم سے دعاہے کہ وہ ہمیں اور آپکو اپنے پسندیدہ کام کرنے کی توفیق دے۔

وصلّى الله على نبيّنا محمد وعلى آله وصحبه وسلّم

ڈاؤن لوڈ کریں
پی ڈی ایف،یونی کوڈ

http://www.mediafire.com/?45m55fmvfdhljbi